Dem Emilie geet et net gudd

De Prof. Walsh vu Baltimore
kënnt op Münster an d’Uniklinik an wäert d’Emilie do ënnersichen.

Zwee Medikamenter stoungen zur Wiel fir ëm Emilie seng extrem rar Pilzinfektioun ze behandelen.

Dat méi agressivt Medikament vun denen zwee, vun dem sech an den USA schnell Besserung erhofft gouf, huet beim Emilie esou staark Nierwewierkungen ausgeléist, datt d’Traitement op Uroden vum Prof. Walsh aus dem Hopkins Hospital zu Baltimore, huet misse gestoppt ginn.

Den Ament kritt d’Emilie erëm „seng normal“ Medikamenter, dorënner Cortison, deen natierlech och staark Nierwewierkungen huet. Entretemps huet d’Emilie Schanken ewéi Glas an huet sech kierzlech beim Schongundoen erëm e Wirbel gebrach.

Mä d’Emilie get net op. Hatt wëll liewen an seng Elteren loossen keng Geleegenheet a Méiglechkeet aus, fir hierem Jëngsten vun véier Kanner eng Grëtz Gesondheet ze schenken.

Awer dat kascht an dat meescht muss d’Famill Lahr aus hierer eegener Täsch bezuelen. D’Käschten fir déi si all Mount opkomme mussen, dréien ëm déi 1500 € an dat bei nëmmen enger Pei an véier Kanner.


Déi Medikamenter déi d’Emilie brauch sinn extrem deier. Mir all zesummen kënnen ëm Emilie hëllefen mat engem Don z.B., kuckt dofir op www.saveemilielahr.lu

oder

mat enger Manifestatioun déi Dir zu Gonschten vun der asbl Save Emilie Lahr organiséiert, ewéi z.B.

26.12.09 ab 19h30
Harmonie Wëntger
Galaconcert zu Wëntger
Eng musikalësch Rees an d’Disney Wonderland

20.12.09 vun14h00-19h00
Chrëschtfeier am Centre Nic. Braun zu Hesper
Mat Clowen, de Chrëschtmännchen an
d’Sandy Boetsch suergt fir di musikalësch Animatioun.
Iessen an Drénken de ganze Mëtteg iwwer an eng formidabel
Gelegenheet d’Emilie kennenzeléieren.
D’Emilie mecht sech eng Freed mat Äre Kanner
Zesummen ze molen an séngem Atelier op der Plaz.
Umellen w.e.g. um 661400401



10.12.09 vu 16h00 – 21h00
Emilie Lahr Stand um Nuetsmoart
zu Dikkrech wou Konschtwierker
vum Emilie verkaf ginn


12.12.09 vu 09h00-12h00
D’Schoulkanner vun Helmseng
verkafen selwer Gebasteltes an Gemoltes
an hierer Schoul


12.12.09 vu 09h30 – 17h30
Emilie Lahr Stand an der
Groussgaass an der Stad
wou Konschtwierker vum
Emilie verkaf ginn

13.12.09 vu 14h00 – 18h00
Schoulkanner Bazar an der
Sportshal zu Medernach

16.12.09 vu 14h00-17h00
Schoukanner Bazar an der Schoul zu Itzeg

19.12.09 vu 16h00 – 18h00
Vernissage a Verkaf an der
Crèche vum Kuebenascht Angelsbierg zu Schous




Chrëschtfeier zu Hesper am Centre Nic. Braun
Mam Sandy ……….
Um Emilie sengem Stand fannt Dir bestëmmt nach
ee flotte Kado, vum Emilie selwer hiergestallt.